Ñuqayku warmis jina parlaykuña, mana chay llullasninkuwan japhiwasunchik, mana paykunarayku ni piwan maqanakusqaykuchu.
Juk warmi jina tantakuyku, simiykuta uyarinankupaq, paykunarayku mana maqanakuyta munaykuchu, “ANTIPARTIDISTAS” kayku , ni kunan ni jayk´aq kay kunt´uchaswan kasunchik.
Warmikuna jina mana munaykuchu jawaman orqhonankuta “recursos naturales” nisqata, mana munaykuchu kampu runaswan, jatun llajta runaswan maqanakunankuta, chayrayku ñuqaykumanta lluqsinan tian juk musuq kawsay.
Waq kutimanta sunqunchikmanta makisniykuwan ruwarikusunchik allin kawsayninkupaq, kay uqhu “democracia” nisqamanta, wasi uqhumanta, ayllu uqhumanta, “barrio” uqhumantapacha qallarisunchik kay pachapi uywanakuykunaykupaq.
Chayrayku yupaycharikuna, llank´aypi, puriypi, yupaychana jatun tatakunata, jatun mamakunata, onqosqa runakunata, tukuy runakunawan allinta kawsakunayku tian ayni uqhupi qipan ñaupa runakuna jina.
Niyta munayku, paykuna manchharikunaykuta munachkanku, chayrayku “medios de comunicación” nisqakunaqa allinta llullakuchkanku mana ch´uawancharinaykupaq.
Chayrayku tukuy warmikunata, qharikunata, wawakunata ima waqllarimuchkayku, wak musuq ñan kuskan tarinaykupaq, sumaqta purinaykupaq ñuqayku sinchita qhapariyku tukuy kamachiqkunata yupaychaynankupaq musuq pachakunata rikhunaykupaq.
¡Mana llulla democraciata munaykuchu!
¡Mana pachamamaykuta wañuchiyta munaykuchu!
¡Mana kamachiq atipakunanta munaykuchu!
¡Mana kampu runakunawan, jatun llajta runakunawan wañuchikuyta munaykuchu!
URAMANTA PACHA ALLIN KAWSAYTA RUWANAYKUPAQ.
